![](data:image/svg+xml;utf8,<svg xmlns="http://www.w3.org/2000/svg" width="664" height="285"><rect width="100%" heigh="100%" fill="%23cccccc"/></svg>)
隨住生活方式轉變同埋人口老化加速，我地嘅糖尿病患病率係持續上升緊，同埋同年齡有關嘅牙周病係口腔疾病同埋常見病，佢嘅發病率都係慢慢上升緊。最近幾年，有牙周膿腫就醫，經檢查大部份都患有糖尿病。而係糖尿病患者當中，牙周炎發病率高達60%，有嚴重牙周炎嘅風險比冇糖尿病嘅患者高2~3倍，牙周病已經被視為糖尿病嘅第六大併發症。
牙周炎同糖尿病嘅關係
糖尿病係牙周疾病中非常重要嘅影響因素，但佢哋兩個之間唔係話先有雞定先有蛋咁嘅關係，而係互相促進嘅關係。糖尿病造成嘅免疫力下降會放大炎症嘅效果，同時牙周炎作為慢性炎症對糖尿病嘅代謝控制都有負面影響。炎症物質亦會隨住牙周血管進入全身血液循環，會降低胰島素的敏感性，即係有胰島素抗拒，影響糖尿病患者血糖嘅控制，進一步加重糖尿病嘅情況。而家已經有好多研究證實，Ⅱ型糖尿病同慢性牙周炎係密切相關，兩者彼此係互相推動嘅關係。糖尿病係被公認為牙周炎嘅一個危險因素，而且糖尿病患者可能更易患牙周炎，出現嘅情況更加嚴重。
牙周治療有助於血糖嘅控制
當糖尿病患者接受牙周病治療嘅時候，冇單止牙周疾病可以控制，治療牙周病反而有助於糖尿病患者嘅血糖控制。有學者透過對牙周炎伴糖尿病的患者進行牙周治療幹預來觀察消除炎症對糖尿病患者嘅影響。研究結果顯示，經過牙周基礎治療後，牙周炎症明顯改善，血糖水平同糖化血紅蛋白比治療前明顯降低，糖尿病用藥量減少。由於牙周疾患同口腔疾患對全身疾病嘅重要影響，美國糖尿病協會將了解糖尿病患者嘅牙病同治療情況列入糖尿病診治規範中，另外醫療保險業亦積極支持系統病患者定期進行牙周檢查同治療。
溫馨提示
為咗預防牙周病，“糖友”應注意以下幾點：
自我牙垢控制
牙垢微生物係牙周炎嘅始動因子。良好嘅口腔衞生有助於控制牙周病。自我控制牙垢嘅方法包括刷牙、牙線、牙隙刷同沖牙器等嘅使用。平時應多食用粗纖維嘅食物，充分嚼食，刺激唾液分泌，沖刷汙物，強化牙周組織。 
治療原則
糖尿病患者出現牙周病時，首先要積極治療糖尿病，有效控制糖代謝，改善微循環，恢復牙周組織正常功能。對於糖代謝控制不佳或有嚴重併發症的糖尿病患者，一般只進行應急的牙周治療，如急性牙周膿腫等，同時給予抗生素以控制感染。對經過積極治療已控制血糖水平的糖尿病患者，可以按照常規施以牙周治療。
另外，臨牀中對某些牙齦紅腫嚴重而廣泛、反覆發生急性膿腫的牙周炎患者和對常規牙周治療反應欠佳的患者，應考慮是否合併糖尿病的可能性，並進行必要的內科學檢查。
定期複查
定時去牙醫做牙周檢查同埋預防性潔治，可以有效保持牙周組織嘅健康，有助於疾病嘅治療同康復。喺治療糖尿病嘅過程入面，都應該將牙周狀況擱喺例行檢查裏面。每3～6 個月，應該去牙科檢查牙齒，一年最好洗牙1～2次， 清除牙菌膜同牙石。
