1、如果牙齒折斷咗，應該揾返折斷嘅部份。

2、快啲通知番爸媽。

3、立刻去牙醫診所，請牙醫詳細檢查你嘅牙齒。

4、牙醫會按需要為你治療受傷嘅牙齒。

如果恆齒整顆脫落，應該按照以下方法處理：

1.馬上撿返牙齒，捉住牙冠部份，用半杯清水或鮮奶輕輕沖走牙根表面嘅汙物，千萬唔好洗刷佢。

2.請大人睇下鄰牙嘅形狀同排列，幫你將脫落嘅牙齒放番入牙槽。讓小朋友輕輕咬合，以固定牙齒嘅位置。

3.如果唔知點樣將牙齒放返牙槽窩度，請將牙齒放入新鮮牛奶或口水度，要確保整顆牙齒都俾浸泡住。

4.立即帶細路去睇牙科醫生。

記住，越快接受治療，救返牙齒嘅機會就越大!